Fatma Topaloğlu
Berepe uçurtma doǩaçeri
Nanape çiçeği moǩaçeri
Babape cari elaǩaçeri
Tutsa oxori dvaay ağani tzana
Ǩvançxeri mcora tutsa ndğalepe
Mtuta muruntsxi tanay serepe
Nana baba berepe irote
Sofra guxeday ağani tzana
Bere mo nantzert̆ay miti xepe
Moğururt̆ay soti oxorzalepe
Var iduzanen muti zit̆ate
Adalet̆i komoxt̆ay ağani tzana
Dislibay kiana oǩoşira
Şanaşa moxt̆ay iyay-na ğura
Mo iyert̆ay oǩoretsxu bgara
Çilambri mocolamt̆ay ağani tzana
