Hanife Çamkerten Maçça
Mupe Diç̌in? Emogi doloxe eşǩabğale ptarifat. Ar tabyaşi na diç̌in zumape. Sumoşi (300) grami yaği. Sum istiǩani lazut̆i mçveri. Ar isiǩani mkveri nezi. Ar istiǩani şeçeri.
Muç̌o ixenen?
Tzulu daçxurite yaği dontzinare. Tamo tamo lazut̆i mçveri keǩubğare. Ar saet̆i şukuri gondğvareri gondğvareri kogoç̌vare. Mçveri şurişa gamaxt̆asi şeçeri keǩeubğare do ocağişa ǩotziğare.
Zimarimuşi şeni na diç̌inpe: Jur makvali, ar istiǩani ncalva, xut-aşi mç̌veta limoni tzari, ar çayi ǩuzina mcumu, ar çayi istiǩani sivi yaği, na eç̌opasen şuǩu diǩa mçveri.
Sift̆e baǩlavaşi zimari şolare. Sum saet̆i mt̆eni (nemli) mbela gotveri zimari moyşvacasen. Vit makvali şuǩu zimari dokvatare. Mugvala zimarepe doǩavatare. Neçeste gobğeri yoǩlaği (yufka) gotzare. Teği teği yufǩapeşi cindo lazut̆i mçverişi goç̌veri xalva do nezi keşkebğare. Mçipe ǩet̆i kogoǩorare. Okaçxe ǩet̆i gamatorare. Cur ǩiti şuǩu mçire doşǩorare. Tabya isa (dikineşi) kocosvarare. Cindomuşiti ar istiǩani sivi yaği do cur oşi grami puciyaği gontzinare do kogobare. 180 derece t̆utsa furuni komeşǩadgare do doç̌vare.
Şurubimuşi: Otxo ist̆iǩani şeçeri, ar-cur mç̌veta limoni tzari, sum do gverdi (3.5) ist̆iǩani tzari eçi (20) t̆eeǩe docibare do curiti t̆utsa t̆utsa kogobare.
Nostoniyari gaan.
