Nuriye Günaydın
Livadişi doloxe
Yazmaşi ǩumulepe
Leba diyu moyseli
Ǩiyaman mumulupe
Mart̆i tuta dumani
Opşa inon amani
Tolite va idziren
Araǩani ǩabani
Ǩalatis delegidzun
Oraği met̆axeri
Mandili keyiǩori
Tomape gamaxveri
Omç̌uşe meşveluşe
Loriç̌ite mulut̆i
Dumani dolodveri
Livadis delulut̆i
Purkepona livadis
Pucepe oncinamt̆i
Muzarina gamt̆inus
Opşa gamiǩiyamt̆i
Oxorişe ma vulu
Omç̌ute domanç̌inu
Şuri-ti va momazden
Taket̆i-ti mamt̆inu
Andğa meci miğut̆es
Livadis dolobğut̆es
Çift̆işi vikumt deyi
Loriç̌i oǩontxumt̆es
Nuriye Günaydın //
18.03.2023
